Shteti federal i Virxhinias në SHBA mbrëmë ka shpallur gjendje të jashtëzakonshme pasi rastet e koronavirusit në vend pothuajse u dyfishuan gjatë natës në 17, transmeton Anadolu Agency (AA).
Guvernatorit i shtetit Virxhinia, Ralph Northam, njoftoi masën së bashku me komisionerin shtetëror të shëndetësisë, Normal Oliver, epidemiologen shtetërore, Lilian Peake dhe prokurorin e përgjithshëm, Mark Herring.
Shumica e rasteve janë në pjesën veriore të Virxhinias, rajoni më i pasur i shtetit dhe një periferi ‘de fakto’ e Washingtonit fqinj.
“Nga Departmenti i Shëndetit, në shkollat tona, në spitalet tona, në sistemet tona të tranzitit, në agjencitë dhe institucionet e Virxhinias është planifikuar plotësisht për çdo skenar”, tha guvernatori Northam.
Sipas tij, kjo shpallje e emergjencës do të sigurojë që të mund të vazhdojnë të përgatiten dhe t’u përgjigjen siç duhet nevojave të Virxhinias gjatë kësaj kohe.
Virxhinia ka mungesë të uniformave të testimit
Pavarësisht rritjes së qëndrueshme të rasteve, Virxhinia vuan nga një mungesë e mjeteve të testimit, me vetëm 500 uniforma të mbetura për një popullsi prej 8.5 milionësh.
Qendrat për Kontrollin e Sëmundjeve (CDC), organi federal që prodhon dhe siguron shtetet me teste Covid-19 në shkallë vendore, është po ashtu e shqetësuar për burimet e pamjaftueshme për të furnizuar kërkesën.
Northam tha se ai pret që zyrtarët federalë t’i japin Virxhinias ‘dritën e gjelbër’ për të ndjekur testin e saj, duke pasur parasysh “mesazhet e përziera” nga autoritetet federale shëndetësore.
Guvernatori demokratik tha se shteti po merr masa për të luftuar përhapjen e virusit Covid-19 tek komuniteti dhe punonjësit e shtetit duke u mundësuar atyre opsione që të punojnë nga shtëpia si dhe duke ndaluar udhëtimet shtetërore të lidhura me punën për një muaj.
Virxhinia po ashtu ka anuluar të gjitha konferencat e financuara nga shteti.
Në Bullgari shpallet gjendje e jashtëzakonshme deri me 13 prill për të parandaluar përhapjen e epidemisë së koronavirusit të ri (Covid-19).
Të gjithë 201 deputetët që morën pjesë në seancën në parlament votuan “po” për të marrë vendimin e shpalljes së gjendjes së jashtëzakonshme.
Kryeministri bullgar, Boyko Borisov, i cili mori pjesë në seancën e përgjithshme të parlamentit, në fjalimin e tij tha se deri më tani numri i rasteve në vend është 23.
Borisov, tërhoqi vëmendjen se gjendja e jashtëzakonshme është kusht për të zbatuar kontrollin e nevojshëm.
– “Disiplina sociale nuk është në nivelin e nevojshëm”
Edhe Ventsislav Mutafchyski, kreu i Tryezës së Krizës, të formuar lidhur me Covid-19 në fjalimin e tij tha se disiplina sociale nuk është në nivelin e nevojshëm.
Më tej Mutafchyski njoftoi se në familjen e gruas 66 vjeçare që ka humbur jetën nga virusi, janë diagnostikuar 11 persona me Covid-19 .
Me vendimin për gjendjen e jashtëzakonshme deri me 13 prill, pritet që të kufizohen kalimet kufitare të vendit si dhe udhëtimet ndërkombëtare të qytetarëve.
