Një avion ushtarak kargo i Turqisë është nisur për herë të dytë nga Ankaraja me ndihma mjekësore për shtetin afrikan Çad, në kuadër të luftës kundër koronavirusit të ri (COVID-19), raporton Anadolu Agency (AA).
Në drejtim të udhëzimit të presidentit të Turqisë, Recep Tayyip Erdoğan, Turqia dërgoi ndihma mjekësore, të përgatitur nga Ministria e Shëndetësisë.
Avioni ushtarak kargo A400M e Minstrisë së Mbrojtjes u ngarkua me pajisje të ndihmës mjekësore dhe u nis drejt Çadit nga aeroporti ushtarak Etimesgut në Ankara. Në mesin e ndihmave mjekësore gjendet edhe një ambulancë.
Mbi kutitë e ndihmës së dërguar ndodhen edhe mbishkrime me fjalë nga poeti mistik dhe dijetari Mevlana, i njohur edhe si Rumi: “Pas dëshpërimit ka shumë shpresë. Pas errësirës ka shumë diell”.
Turqia më parë kishte dërguar ndihma mjekësore në vendet e Ballkanit, në mesin e tyre Maqedonia e Veriut dhe Kosova, si dhe në SHBA, Britani e Madhe, Spanjë, Itali dhe shumë vende të tjera.
Më 26 maj Turqia poashtu kishte dërguar ndihma mjekësore dhe një ambulancë në shtetin afrikan.
