Drejtoria turke për Menaxhimin e Katastrofave dhe Emergjencave ka themeluar një qytet me tenda për personat që u detyruan të braktisin shtëpitë e tyre si pasojë e ciklonit Idai në Mozambik, raporton Anadolu Agency (AA).
Qyteti me tenda është themeluar në afërsi të qytetit më të goditur Beira.
AFAD i ka nisur aktivitetet intensive në Mozambik pasi vendi u godit nga cikloni.
Tendat janë dërguar në Mozambik me avion ushtarak nga Turqia.
Gjatë vendosjes së tendave për popullatën e prekur, ekipet e AFAD janë shoqëruar nga organizatat e tjera turke që gjenden në rajon në kuadër të aktiviteteve humanitare, siç janë UMKE, AKUT dhe Fondacioni Dijanet.
