Urdhër arreste janë lëshuar për 51 të dyshuar të Organizatës Terroriste FETO në të gjithë Turqinë, njoftuan prokurorët, transmeton Anadolu Agency (AA).
Në një deklaratë nga Zyra e Prokurorit të Ankarasë thuhet se të dyshuarit, shumica e të cilëve janë ish-burokratë, zhvilluan kontakte përmes lidhjeve të linjave fikse me imamët e grupit terrorist që orkestroi grusht shtetin e mposhtur të vitit 2016 në Turqi.
Përpjekjet për arrestimin e të dyshuarve janë duke u zhvilluar. Në një operacion të veçantë, 18 persona u arrestuan për lidhje të dyshuara me FETO-n, sipas burimeve të sigurisë.
Arrestimet u bënë gjatë bastisjeve në Stamboll, Ankara, Balikesir, Eskisehir dhe Antalya. Të dyshuarit u sollën në Edirne në Turqinë veriperëndimore, ku ishte përqendruar hetimi.
Midis të dyshuarve kishte akademikë, mjekë, personel ushtarak dhe avokatë si dhe një nënoficer i cili ishte në detyrë.
FETO dhe udhëheqësi i saj me qendër në SHBA, Fetullah Gülen orkestruan grusht shtetin e mposhtur të 15 korrikut 2016, i cili la 251 persona të martirizuar dhe 2.734 të plagosur.
Ankaraja gjithashtu akuzon FETO-n se qëndron pas një fushate të gjatë për të përmbysur shtetin përmes depërtimit në institucionet turke, veçanërisht në ushtri, polici dhe gjyqësor.