Bëhet e ditur se njëri prej 5 terroristëve të neutralizuar gjatë operacioneve të ndërmarra më 3 qershor në zonën rurale Lixhe (Lice) të Dijarbakërit (Diyarbakır) bënte pjesë në listën ngjyrë hiri të personave më të kërkuar, raporton TRT Shqip
Në komunikatën me shkrim të lëshuar nga Ministria e Punëve të Brendshme e Turqisë thuhet se “Në operacionet e ndërmarra më 3 qershor në kuadër të operacioneve të sigurisë së brendshme në zonën rurale në Lixhe të Dijarbakërit janë neutralizuar 5 terroristë të PKK, ku njëri bënte pjesë në listën ngjyrë hiri të personave më të kërkuar, për të cilin ishte shpallur shpërblim 300 mijë lira turke. Personi në fjalë ishte Jusuf Kajran (Yusuf Kayran) i njohur me pseudonimin ‘Zinar Akro’”.
