Irani dënoi sot akuzat provokuese dhe të papërgjegjshme pasi ishte akuzuar nga SHBA-ja se ka luajtur një rol në sulmet kundër përfaqësive të saj në Irak.
Sot, Shtëpia e Bardhë njoftoi se “mban për përgjegjës Teheranin për sulmet që kanë ndodhur ditët e fundit kundër konsullatës së SHBA-së në Basora dhe kundër kompleksit që ndodhet ambasada amerikane në Bagdad”.
“Deklaratat amerikane janë të habitshme, provokuese dhe të papërgjegjshme”, u shpreh zëdhënësi iranian i Punëve të Jashtme, Bahram Ghassemi.
“Amerika duhet të dijë se duke luajtur, me pakujdesi, me drejtimin e gishtit, ajo nuk arrin të fshehë pasojat e politikës së saj, që është e keqe, e padobishme dhe destabilizuese për rajonin”, shtoi ai. /ATSH
