Shqipëria shpëton Kosovën, i jep energji elektrike! Ndërpriten kufizimet

Kosova nuk do të ketë nevojë për ndërprerjen e energjisë elektrike me qëllim kursimin.
Një gjë të tillë e konfirmoi pasditen e sotme Ministria e Ekonomisë në Kosovë, e cila bëri me dije se është rikthyer furnizimi i rregullt me energji elektrike.

E gjithë kjo u arrit falë bashkëpunimit të Korporatës Energjetike të Kosovës (KEK) dhe Korporatës Elektroenergjitike të Shqipërisë (KESH), ku është arritur që të evitohen reduktimet që nga ora 14:00 dhe të vazhdojë furnizimi i rregullt me energji elektrike.
Më herët u njoftua nga Kompania Kosovare për Shpërndarjen e Energjisë Elektrike se nga sot qytetarët e Kosovës do të përballen me reduktimin e energjisë elektrike. Sipas KEDS-it, reduktimet do të nisnin nga ora 08:00 dhe konsumatorët do të kishin gjashtë orë energji elektrike dhe dy orë reduktime.

https://www.facebook.com/photo.php?fbid=371138438534046&set=a.275195738128317&type=3