Senatori i pavarur amerikan, Bernie Sanders, deklaroi se Izraeli i la në uri fëmijët e Gazës dhe tha se SHBA-ja nuk duhet të jetë “bashkëpunëtore”, transmeton Anadolu.
Senatori Sanders, në postimin e tij në platformën e rrjeteve sociale X deklaroi: “E gjithë bota po shikon. (Kryeministri izraelit Benjamin) Netanyahu po i lë të uritur fëmijët në Gaza. Nuk mund të jemi bashkëfajtorë në këtë brutalitet”.
Duke deklaruar se një pjesë shumë e vogël e ushqimit, ujit, ilaçeve dhe karburantit të nevojshëm ka arritur në Gaza, Sanders tha: “Nuk mund të gjej shprehje për të përshkruar peshën e situatës dhe sa më keq mund të bëhet”.
Ai ka theksuar se qindra mijëra fëmijë në Gaza po luftojnë me urinë dhe nuk mund të kenë ujë të pijshëm të pastër. “Sipas të dhënave të Kombeve të Bashkuara (OKB), e gjithë popullsia e Gazës po përballet me urinë dhe rreth 378 mijë njerëz janë aktualisht të uritur”, tha Sanders.
Sanders deklaroi se shumë institucione shëndetësore në Gaza u dëmtuan nga sulmet ajrore dhe se një punonjës shëndetësor vdiq në përpjekje për të shpëtuar fëmijët, dhe i përshkroi punonjësit shëndetësorë në rajon si “heronj”.
