Policia e portit në Durrës arriti të sekuestrojë një shumë të konsiderueshme parash, prej rreth 1.5 milionë eurosh.
Sekuestrimi i shumës së parave u bë në një makinë që mbërriti në port, me tragetin e linjës Ankona-Durrës.
Sasia e parave u gjet në një makinë tip Toyota, e cila ishte pa targa, ndërsa kontrolli në mjet u bë pas një sinjalizimi paraprak të Europolit.
Paraprakisht raportohet se ky mjet ishte nisur nga Belgjika dhe po transportohej me kampion për në Shqipëri.
