PD paralajmëron Valdrin Pjetrin: Nesër do tregojmë çfarë ka ndodhur më 27 Janar 2003

0

Partia Demokratike e akuzon kryebashkiakun e zgjedhur në Shkodër, Valdrin Pjetri, se po fsheh një dënim në Itali në vitin 2003. Kurse Lulzim Basha e ka akuzuar si trafikant droge.

Për të vërtetuar këto akuza, selia blu ka paralajmëruar se ditën e nesërme do të tregojë me dokumente dhe fakte çfarë ka ndodhur në Itali me Valdrin Pjetrin në datë 27 Janar 2003.

Deklarata e Partisë Demokratike:

Trafikanti i Ramës në Shkodër qenka shqetësuar nga reagimi i qytetarëve të ndershëm të Shkodrës, që nuk pranojnë që qyteti të jetë peng i trafikantëve të drogës dhe përfaqësuesve të krimit të organizuar.

Mos u shqetëso nga letrat e reagimit qytetarë, që me urdhër të Edi Ramës i quan trakte. Ato nuk të cojnë në burg!

Shqetësohu nga letrat e autoriteteve ligjzbatuese italiane, QË NUK JANË TRAKTE dhe që provojnë se je një person i dënuar për trafik drogë. Këto letra të ndalojnë të uzurposh zyrën e Kryetarit të Bashkisë Shkodër, të cojnë në burg për fallsifikimin e Formularit të Dekriminalizimit dhe të bëjnë subjekt të menjëhershëm të ligjit Antimafia! Në këtë të fundit nuk të ndihmon dot as Edi Rama, as Tom Doshi, as babai dhe as vëllai.

E kot të të ripyesim a të kujton gjë data 27 Janar 2003, sepse e kemi të qartë që të ka marrë peng Edi Rama dhe nuk të lejon ta kujtosh.

E kot të presim për një përgjigje, sepse ti ke vendosur të mashtrosh dhe të fshihesh nga e vërteta njëlloj si Elvis Rroshi i Kavajës!

Prandaj nesër shqiptarët do kenë mundësi të shikojnë me letra (dhe jo trakte) se çfarë është për përfaqësuesin politik të Edi Ramës në Qarkun Shkodër data 27 Janar 2003.

Deri nesër ke kohë për të ëndërruar përralla me qentë e karvanët, që po të cojnë përpara, drejt greminës!

Lajme të ngjashme

Lini një Koment

Adresa juaj e e-mail-it mbahet e fshehur.