Diçka ka lëvizur, Fabio Paratici drejt Londrës dhe në përgjithësi, do të thotë që jemi pak metra larg vijës së finishit.
Juve dhe Sarri janë një histori që është bërë shumë e gjatë për shijet e klubit të Juventusit dhe se, një muaj pas largimit/shkarkimit të Max Allegrit, duhet të zgjidhet sa më parë.
Kjo është arsyeja pse Drejtori Sportiv i bardhezinjve fluturoi drejt Londres. Misioni i qartë: Të gjindet akordi me Chelsea dhe të mbyll çështjen pa shtyrje të mëtejshme.
Ngërçi është e njëjtë siç ishte ditë më parë, domethënë dëmshpërblimi që Roman Abramovich pretendon që të lirojë trajnerin e tij.
Bëhet fjalë për 6 milionë Euro, të cilat paraqesin një problem që pothuajse nuk ekziston për Juven, por që Juve do t’i pëlqente t’i paguante Bluve të Londrës duke hyrë për një lojtar në negociata. Emri, gjithashtu në këtë rast, dihet: Emerson Palmieri.
Në Torino, idetë janë shumë të qarta, edhe nëse presidenti i Empoli Corsi, një mik i madh i Sarrit, i dha një goditje opinionit, duke folur së pari nga gjendja e keqe e teknikut dhe pastaj nga besimi i Juventusit mbi të.
Kjo mund të përkthehet në këtë mënyrë: Përpara mundësisë më të madhe të jetës së tij, Sarri ka frikë të bëjë këtë hap duke e ditur që edhe tifozët që e duan më shumë atë, ato të Napolit nuk e kanë pritur mirë një vendim të tillë.
Juventusi është i bindur që do arrijë ti kalojë këto barriera dhe se do firmosë me tekniku toskan.
Kjo është arsyeja pse Sarri nisi tratativat nga larg. Paratici në fakt, në mënyrë që të mos rrezikojë të qëndrojë me “gisht në gojë” do mundohet te nis disa kontakte edhe me ekipin tjetër të Londres, Tottenham, për mbrojtësin Trippier.
Aktualisht alternativat nuk konsiderohen, por është logjike që bardhezinjtë të kenë gjithmonë një rrugëdalje. A duhet të dështojë marrëveshja për Sarrin? Nëse po atëherë i hapet rrugë tratativave për José Mourinho. Edhe pse kjo nuk mund të merret konsideratë si mundësi. Në fund Abramovich do ta lërë Sarrin të largohet.
Nuk ka asnjë arsye pse ai nuk e bën atë dhe nuk ka asnjë arsye pse Juventusi në fund nuk duhet t’i plotësojë kërkesat e Chelseat, e cila, ndër të tjera, tashmë është shumë përpara në bisedimet me Lampard për suksesin në stol. Kthehu tek Kurset:.
Juve është i bindur se mund të mbyllë gjithçka deri të shtunën. Tashmë një muaj nga lamtumira e Allegrit. Ne ishim të gjithë të bindur se bardhezinjtë nuk mund të kishin lënë një trajner të largohej pa pasur një tjetër në dorë. Nuk ishte kështu, siç tregohet nga koha dhe faktet. Por të gjitha rrugët çuan te Sarri i cili, ndërkohë, u largua nga shtëpia e tij në Londër për t’u përgatitur për kthimin e tij në Itali. Me Paratici, ndoshta, menjëherë. Sepse ai nuk është mësuar të qëndrojë me duar bosh…
