Një 17-vjeçar është arrestuar në flagrancë nga patrullat e Policisë së Vlorës, pasi lëvizte me armë zjarri pa leje.
Shtetasi nga Vlora, S.K., është ndaluar nga shërbimet policore në lagjen “pavarësia 2”, pasi posedonte një armë zjarri tip pistoletë, e cila iu sekuestrua në cilësinë e provës materiale.
Materialet hetimore ndaj tij i janë referuar Prokurorisë së Rrethit Gjyqësor të Vlorës për veprën penale të “prodhimit e shitjes së armëve luftarake dhe municioneve”.
