Lajme të këqija për Sadio Mané, ato të raportuara nga “L’Equipe”. Gazeta më e njohur sportive franceze, në fakt shpjegon se si sulmuesi senegalez do të detyrohet të heqë dorë nga Botërori i Katarit për shkak të dëmtimit të pësuar mbrëmë.
Pavarësisht optimizmit të përcjellë nga stafi mjekësor i Bayernit, në fakt, sipas edicionit në internet të revistës sportive transalpine nuk ishte një goditje e thjeshtë, por një problem tendinash, që do ta mbajë Mane jashtë për disa javë garë. Të premten, me shpalljen e listës së kombëtares për Botërorin e Katarit nga trajneri Cisse, misteri do të zgjidhet.
Pak ditë na ndajnë nga fillimi i Kupës së Botës në Katar (starton më 20 nëntor). Edicioni i 22-të i kompeticionit më madhor për ekipet kombëtare në glob, i pari që luhet ndonjëherë në fund të vjeshtës.
Në vend të kësaj, do të jetë i fundit me 32 pjesëmarrës në vijën startuese të turneut. 32 ekipe kombëtare që nga 20 nëntori do të garojnë me vetëm një synim: të marrin në dorë Kupën e Botës, në stadiumin “Lusail”, pas finales së 18 dhjetorit.
Shumë e shumë yje mezi e presin ngjarjen më të rëndësishme futbollistike të vitit. Midis tyre, megjithatë, do të mungojnë disa protagonistë të shquar, të cilët nuk do të hipin në aeroplanët për në Katar, për shkak dëmtimi apo moslejimi nga trajnerët e tyre përkatës.
