Kancelari austriak, Sebastian Kurz, i ka bërë thirrje Bashkimit Evropian (BE) të nisë bisedimet me Egjiptin në mënyrë që të ndihmohet ai vend afrikan në parandalimin e ardhjes së migrantëve në Evropë, transmeton Anadolu Agency (AA).
Në një deklaratë të enjten, Kurz tha se, “Egjipti dëshmoi se mund të jetë i suksesshëm në parandalimin e shkuarjes së njerëzve nga bregdeti i tij në Evropë, në kërkim të një jete më të mirë dhe më të sigurtë”.
Austria aktualisht kryeson me BE-në, ndërsa Kurz dhe presidenti i Këshillit Evropian, Donald Tusk, ditë më parë vizituan Kajron, ku biseduan mbi këtë temë me presidentin e Egjiptit, Abdel-Fattah el-Sissi.
Tusk tha të martën se aktualisht, asnjë migrant nuk po braktis Egjiptin.
“Egjipti është i gatshëm të thellojë bashkëpunimin përmes bisedimeve. Duhet ta shfrytëzojmë këtë fakt”, tha kancelari austriak Kurz.
