2500 familje në qytete të ndryshme të Shqipërisë kanë përfituar nga therja e 100 bagëtive të trasha me rastin e Kurban Bajramit. Tradita vijon si çdo vit nga shoqata “Istanbul”, ndërsa përfituesit janë familjet në nevojë, jetimë, azili i pleqëve, e më gjerë.
Shpërndarja e pakove me mishin e kurbanit është bërë në Shkodër, Kavajë, Berat, Gramsh, Pukë, Koplik, Malësi e Madhe e më gjerë.
Vetëm në qarkun e Shkodrës janë shpërndarë 1900 pako.
Shoqata “Istanbul” ka një staf të veçantë, i cili merret edhe me raste të tjera në ndihmë të familjeve të varfëra. Përmes saj, prej vitesh kanë përfituar një numër i madh familjesh.
Tradita e therjes së kurbanit në Shqipëri me rastin e festës së Kurban Bajramit është e hershme nga kjo shoqatë. Shkodra ka qenë gjithmonë në fokusin e saj, ndërsa aktiviteti humanitar shpërndahet ne shumë fusha.
https://www.facebook.com/tv1channelshkoder/videos/706615739730748/
