Italia është në rrezik të humbasë objektivat e saj, tashmë të paqartë të rritjes për vitin 2020, për shkak të shpërthimit të koronavirusit, sipas një zyrtari të lartë të qeverisë.
“Ndikimi i koronavirusit rrezikon të jetë dukshëm negativ në ekonominë globale dhe gjithashtu atë italiane,” tha Zëvendës Ministri i Financave Antonio Misiani, në një intervistë në Romë të Martën. “Eshtë më e komplikuar sot arritja e objektivit qeveritar të rritjes prej 0.6% në ligjin e buxhetit.”
Përhapja ka ardhur në një moment të vështirë për ekonominë e Italisë. Prodhimi tkurr papritur 0.3 pikë përqindje në tremujorin e fundit të 2019, duke rritur presionin ndaj qeverisë së brishtë të koalicionit të kryeministrit Giuseppe Conte.
Një vend zakonisht klasifikohet të jetë në recesion kur kontrakton për dy tremujorë radhazi.
Kohët e fundit të Shtunën, Ministri i Financave Roberto Gualtieri tha që tkurrja e tremujorit të katërt ishte pjesërisht për shkak të faktorëve kalendarik dhe se ekonomia po tregonte shenja të një rikthimi në fillim të vitit 2020.
“Kina është furnizuesi i tretë më i madh në Itali, shumë turistë kinezë vijnë në Itali dhe blejnë sasi të konsiderueshme të mallrave të saj luksoze”- tha Misiani. /Monitor
