Në deklaratën me shkrim të bërë nga Ministria e Jashtme e Katarit bëhet e ditur se mbështetja vjen nga lidhjet vëllazërore, arabe dhe fetare ndërmjet popujve të Palestinës dhe Katarit.
Gjithashtu bëhet e ditur se këto ndihma bëhen për të plotësuar nevojat themelore si pasojë e kushteve të vështira që imponojnë forcat pushtuese izraelite.
Pjesa prej 300 milionë dollarësh do të vlerësohet si dhuratë dhe kredi për buxhetin e sektorit të arsimit dhe shëndetësisë së udhëheqjes palestineze, ndërsa një pjesë do të shkojë për nevojat urgjente, raporton TRT.
Ministria e Punëve të Jashtme në deklaratën e saj i bëri thirrje shoqërisë ndërkombëtare që të përmbushë përgjegjësitë njerëzore dhe morale dhe të mbështesë popullin palestinez për të kapërcyer krizën në të cilën gjendet.
Nga ana tjetër, kryetari i Byrosë Politike të Hamasit, Ismail Haniyeh, bëri një deklaratë me shkrim, ku falënderoi Katarin për mbështetjen e dhënë.