Pak kohë pas aterimit të avionit me të cilin udhëtonte zëvendëspresidenti i parë i Afganistanit, Rashid Dostum, në relacionin Ankara-Kabul, në afërsi të aeroportit të kryeqytetit afgan ndodhi një shpërthim, raporton Anadolu Agency (AA).
Ministria e Shëndetësisë e Afganistanit njoftoi se në shpërthim kanë humbur jetën të paktën 11 persona, ndërsa janë plagosur 48 të tjerë.
Zyrtarët shprehën shqetësimin se numri i të vdekurve dhe të plagosurve mund të rritet.
Një nga këshilltarët e Dostum tha për AA tha se mes të vdekurve gjenden edhe turprojat e zëvendëspresidentit të parë afgan, Dostum.
Dostum qëndroi për një kohë në Turqi, ndërsa në aeroport kishin dalur disa zyrtarë lokalë dhe përkrahësit e tij për ta mirëpritur. Shpërthimi ndodhi menjëherë pas nisjes së autokolonës në të cilën ndodhej Dostum.
Pas incidentit, Dostum tha për gazetarët se në shpërthimin që ndodhi si rezultat i një sulmi vetëvrasës, sipas vlerësimeve të para nëntë persona nga punonjësit e sigurisë të cilët e mbronin atë kanë humbur jetën, ndërsa ka edhe të plagosur.