Tensionet e shtuara politike në vendin e zhytur në borxhe, ekonominë e tretë më të madhe të Eurozonës, kanë trazuar edhe tregjet financiare. Pa humbur kohë, Salvini duket se ka nisur fushatën dhe thotë se çështja se kush do të qeverisë italinë, duhet t’i rikthehet në dorë italianëve, në zgjedhje të reja.
“Tani në Itali, unë dua një qeveri që do t’i kthejë popullit italian, krenarinë e të qenit qytetarë italianë. Të lirë dhe sovranë, zotër të tokës, detit dhe jetës së tyre.” deklaroi Salvini.
Salvini tha se të hënën, do të nisë puna në parlament.
“Kam lexuar gazetat që shkruajnë se Salvini nuk është mirë nga mendja sepse do t’i heqë prizën qeverisë më 15 gusht. Ata thonë se deputetët janë me pushime më 15 gusht. Por unë them se deputetët duhet të luajnë të ndenjurat dhe të kthehen në punë më 15 gusht, ashtu si çdo punëtor i thjeshtë italian.” tha ai.
Salvini ka ndërmend të ngrejë një mocion mosbesimi ndaj Kontes në senat dhe sipas rregullave të këtij të fundit, një gjë e tillë duhet të adresohet brenda 10 ditësh, pra jo më vonë se 20 gushti. Sipas ekspertëve, Salvini synon të marrë shumicën pasi në këto momente është në majat e sondazheve të opinionit publik. Por, deri sa përpjekja e tij të finalizohen, do të duhen edhe të paktën tre muaj, dhe gjendja deri atëherë, mund edhe të ndryshojë.
