Gjermania ‘ndryshon’ kurs, e hapur për vaksinat e Rusisë dhe Kinës

Duket se vendet e BE janë në vështirësi nga shkurtimi i dërgesave të vaksinës nga kompanitë farmaceutike perëndimore.

gjermania

Gjermania ka ndryshuar kurs duke hedhur sytë nga Lindja për të marrë vaksinën e Rusisë apo Kinës.

Ministri gjerman i Shëndetësisë, Jens Spahn ka deklaruar se ai nuk sheh ndonjë pengesë themelore për përdorimin e vaksinave kineze dhe ruse COVID. Por ai shtoi se vaksina si Sputnik V apo e Sinopharm duhet të aprovohen nga instancat e BE.

Duket se vendet e BE janë në vështirësi nga shkurtimi i dërgesave të vaksinës nga kompanitë farmaceutike perëndimore. Vetë Spahn paralajmërn se ”Ne do të kemi akoma të paktën 10 javë të vështira me një mungesë vaksine”.

Disa ditë më parë Rusia i ofroi Europës një furnizim me 100 milion doza të vaksinës Sputnik V. Ndërkohë kjo vaksinë tashmë ka hyrë edhe brenda BE-së, pasi Hungaria e ka miratuar parimisht tashmë.