Kreu i Kuvendit, Gramoz Ruçi deklaroi nga Kuvendi se situata e acaruar politike e kohëve të fundit i ka bërë keq imazhit të vendit.
Ruçi tha se protesta e opozitës dhe dhuna e ushtruar dëmtuan rëndë imazhin e Shqipërisë.
Sipas tij, të gjithë ata që nuk na e duan të mirën, kanë fërkuar duart me skenat e dhunës që sipas tij bënë xhiron e botës, raporton Top Channel.
“Pamjet e dhunës bënë Kush nuk na e dorë të mirën si vend, fërkoi duart. Kush na mbështeti dhe na mbështet, padyshim që është ndier keq. Kush ka bërë plane për të ardhur në Shqipëri për pushime, është stepur”, tha Ruçi.
Ruçi ka shkuar më tej se skenari i djegies së mandateve është vetëvrasje politike.
“Djegia e mandateve dhe një opozitë që vetëvritet politikisht, por i bën dëm edhe vendit. Vendimi i opozitës është kamikazllëk që hedh në erë të zotët e punës, por dhe tërë politikën. Ultimatumet nuk janë demokratike, pushteti nuk merret në tavolinë”, tha ai.
