Bashkia e Shkodrës, në bashkëpunim me OJF THE DOOR dhe DRKK Shkodër në kuadër të Javës Evropiane të Lëvizshmërisë kanë organizuar edhe këtë vit “Ditën e Biçikletave”. Në qendër të qytetit ka qenë një festë e vërtetë, ku nuk kanë munguar as animatorët për më të vegjlit. Fëmijë të kopshteve të qytetit janë bërë pjesë e laboratorit kreativ me temë “Biçikleta”, ndërsa nuk ka munguar as panairi i mjetit lëvizës më të përdorur në Shkodër, i mundësuar nga bizneset e shërbimit.
Një eveniment i kthyer në traditë tashmë, i cili ka për qëllim të përçojë tek njerëzit mesazhin e përdorimit të transportit të shëndetshëm të biçikletës.
Ishte ky mesazhi i drejtorit të turizmit në Bashkinë e Shkodrës, Gentian Mema në fjalën e tij përshëndetëse…
Ndërkohë, Kastriot Faci, përfaqësuesi OJF THE DOOR i bën apel qytetarëve të përdorin këtë mjet transporti…
Aktiviteti ka vijuar me ndarjen e diplomave për biçikletat më të mira si dhe për artistët e rinj të shkollës verore që i parapriu “Ditës së Biçikletave”. Gjatë aktiviteteve, ka qëndruar e hapur edhe ekspozita e veçantë e punimeve të shkollës verore si dhe maketi i biçikletës.
Siç është e natyrshme, nuk ka munguar as xhiroja me biçikleta nga qendra drejt Pedonales së Molos dhe kthim.
Vlen të përmendet se në Shkodër, biçikleta e parë ka hyrë në vitin 1907 dhe, që nga ajo ditë, rreth 30 përqind e banorëve vazhdojnë të përdorin biçikletat si mjetin mëşe ekonomik dhe të shëndetshëm për lëvizjen në qytet./TRT
