Është fund qershori, por shirat e pranverës janë rikthyer, rrobat me mëngë të gjata, gjithashtu.
Shfrytëzoni javën që vjen për të shkuar në plazh, se pritet që shirat të vijojnë edhe muajin që vjen.
Por kjo situatë në përgjithësi do të jetë e njëjtë gjatë gjithë kësaj stine. Vera e vitit 2018 nuk ka asnjë të përbashkët me atë të dy viteve të shkuara, që ngjante me kushtet e të nxehtit afrikan.
“Do të jetë luks periudhat në të cilat do të ketë shumë ditë njëra pas tjetrës me mot të kthjellët dhe temperatura të larta”, thotë meteorologjia, Tanja Porja, përcjell Top Channel.
Shiu i vazhdueshëm i kësaj vere i ka gjetur edhe shqiptarët të papërgatitur. Të rinjtë kanë ndryshuar planet për pushime, ndërsa të moshuarit kënaqen me freskinë e qershorit.
