Grupi për mbështetje sociale “Vefa”, që përfshin ushtarë turq, në provincën turke Van po ofron ndihmë për qytetarët të cilët nuk mund të dalin nga shtëpitë e tyre për shkak të masave të marra për parandalimin e përhapjes së koronavirusit të ri (COVID-19), raporton Anadolu Agency (AA).
Shumë njerëz të moshës mbi 65-vjeçare dhe ata me sëmundje kronike, të cilët nuk mund të dalin nga shtëpitë e tyre për shkak të situatës aktuale të shkaktuar nga pandemia, kërkojnë ndihmë në numrat e telefonit 112, 155 dhe 156.
Për të ndihmuar këto qytetarë të prekur nga masat e ndërmarra kundër koronavirusit, në rrethin Edremit të provincës Van është formuar grupi “Vefa” për mbështetje sociale, i cili ka për qëllim të ndihmojë të moshuarit dhe personat me sëmundje kronike.
Ndër personat që kërkojnë ndihmë është edhe 73-vjeçari Çerkez Tarhan, i cili banon në lagjen Köprüler të rrethit Edremit. Ai telefonoi grupin për mbështetje sociale për t’ia përmbushur disa nga nevojat e tij.
Trupat turke, të cilët u mobilizuan pas thirrjes, shpërndanë produktet e kërkuara të 73-vjeçarit, si dhe ndihmuan atë në oborrin e tij për prerjen e drunjve të ngrohjes.
