Borxhi publik i vendit tonë, sipas raportit më të fundit të Komisionit Europian për vendet kandidate dhe potencialisht kandidate, ku përfshihet edhe Shqipëria është ulur.
Ministri i Financave dhe Ekonomisë, Arben Ahmetaj duke iu referuar këtij raporti iu përgjigj akuzave të opozitës e cila ka theksuar se borxhi publik është rritur.
“Borxhi publik ka rënë nga viti në vit dhe po shkon në 3-mujorin e parë në 69%”, – citoi ministri Ahmetaj raportin e KE-së në seancën e sotme plenare.
Ministri shprehu angazhimin e qeverisë për uljen e nivelit të borxhit publik nën 68%, raporton ATSH.
“Do të vazhdojë ndër vite konsolidimi fiskal. Deri në fund të këtij mandati ne synojmë të ulim borxhin publik në 60-63% për ta shëndoshur përfundimisht e në mënyrë të pakthyeshme edhe këtë pjesë të financave publike”, – tha Ahmetaj.
