“Boll na vodhët”/ Protestë kundër rritjes së çmimeve, protestuesit marrin vendimin: 24 orë para Kryeministrisë

Qytetarët do të dalin sërish sot në protestë kundër rritjes së çmimeve. Me gjithë deklaratat e kryeministrit Edi Rama se protestat janë një turp për Shqipërinë dhe dëmtojnë qëndrimin e saj në arenën ndërkombëtare në lidhje me luftën në Ukrainë, shoqëria civile ka paralajmëruar se nuk do të ndalet. Protesta është parashikuar të nisë në…

Hours Publikuar

Qytetarët do të dalin sërish sot në protestë kundër rritjes së çmimeve. Me gjithë deklaratat e kryeministrit Edi Rama se protestat janë një turp për Shqipërinë dhe dëmtojnë qëndrimin e saj në arenën ndërkombëtare në lidhje me luftën në Ukrainë, shoqëria civile ka paralajmëruar se nuk do të ndalet.

Protesta është parashikuar të nisë në orën 11:00 nga sheshi “Skënderbej” e më pas protestuesit do të drejtohen për në kryeministri. Një përfaqësuese e protestës, tha dje se qeveria ka reaguar, por jo se ata kanë dashur. Sipas saj, nëse qeveria nuk pranon kërkesat e qytetarëve, protestat do të vijojnë pambarimisht.

  • Lapaj: Nuk jemi në një luftë me armë, por në të drejtën tonë.Avokati Adriatik Lapaj tha se është dita e tetë e protestës dhe se qytetarët do vazhdojnë të protestojnë për kërkesat e tyre.“Dita e tetë e protestës, marshimi i dytë kombëtar, halli ende qëndron. Mendoj që qyt për herë të parë në tranzicion e kanë detyruar qeverinë të kalojë në axhendën e tyre. Ndërhyrjet po ndodhin, por janë ende të pamjaftueshme. Është ndalur rritja e çmimit të natës, është ulur me 70 lekë nga dita e protestës. Është hedhur një paketë e rezistencës sociale.Është ngritur një bord për çmimet e shportës ushqimore. Këto janë disa arritje që qytetarët të thonë po ia arrijmë, por nuk janë mjaftueshëm. Nuk është protesta e Adriatikut, apo kujtdo, është protestë e hallit, e xhepave tanë. Secili del për veten e vetë, për familjen e vet. Nuk jam nën presionin e numrave.Nuk ka pasur një plan konkret, vendimi është marrë këtu. Kemi pasur vendimin tonë si grup i logjistikës, ne do qëndrojmë këtu, me batanije, në këmbë, është simbolike e gjitha. Nuk jemi në një luftë me armë, por në të drejtën tonë”, tha Lapaj.

    Protestuesit: Qëndrojmë para Kryeministrisë për 24 orëOra 12:10- Protestuesit marrin vendimin të qëndrojnë para Kryeministrisë për 24 orë. Ndryshe nga herët e tjera, ku pasi kanë protestuar për 2-3 orë, protestuesit janë larguar, sot ata kanë vendosur të qëndrojnë në bulevard. Për rreth 1 orë ka pasur mesazhe nga disa prej protestuesve dhe më pas mikrofoni është fikur.

    “Nuk paguaj për krizën tuaj”Ora 11:55- Qytetarët kanë thirrur në kor se nuk do të paguajnë më shumë për krizën e politikanëve, pasi një qytetare ka bërë thirrje për të mos duruar më padrejtësitë e qeverisë. Ajo tha se teksa ministrja bën thirrje për të mos lëvizur me makinë, kushtet në transportin publik janë të pamjaftueshme dhe se duhet të presin 1 orë për një rrugë që mund të bëhet për 5 minuta. Edhe sot, edhe nesër do jemi këtu!“Ky është sheshi i nderit, jo i turpit”, Lapaj: Kur qytetarët bëhen bashkë, fitojnë. Ja kërkesat tonaOra 11:45- Një prej organizatorëve të protestës, aktivist i shoqërisë civile Adriatik Lapaj deklaroi para protestuesve se ky është sheshi i nderit, jo i turpit. Sipas tij, kur qytetarët bashkohen, fitojnë.Lapaj ka përsëritur dhe kërkesat e qytetarëve për qeverinë.Në paketën e propozuar përfshihen pezullimi i taksave për qarkullimin në mënyrë që të ulet çmimi i naftës.“Ky është sheshi i nderit, nuk është shteti i turpit. Kjo është një protestë e njerëzve të lirë, një protestë për dinjitetin, për nënat dhe baballarët e këtij vendi. Është një protestë për fëmijët tanë që të mos ikin nga ky vend. Ky shesh, këta qytetarë kanë arritur për herë të parë të bashkojnë vullnetet, duke ndalur çmimin e rritjes së naftit, duke i detyruar ta ulin.Kur qytetarët bëhen bashkë ata fitojnë, ju fitoni. Fitorja më e madhe e kësaj proteste nuk janë çmimet e karburantit, është krijimi i vetëdijes qytetare.Nga ky shesh po përsëris kërkesat që ne i kemi bërë.Kërkesat zyrtare të protestuesve:A. Masa për uljen e barrës fiskale dhe përcaktimit të marzhit të fitimit për përballimin e krizës dhe garantimin e qëndrueshmërisë së çmimeve:1. Marrje e masave në formë të alternuar si: pezullim i taksës së qarkullimit dhe i taksës së karbonit, me qëllim afrimin e çmimit të karburantit me vendet e rajonit.2. Zerim i përkohshëm i TVSH-së produkteve të shportës (dhe ulja në masën 10% në vijim) dhe mbikëqyrje e periodike rigoroze e tregut për reflektimin përkatës në çmime.3. Përcaktimi i përkohshëm i marzhit të fitimit në sektorin e hidrokarbureve dhe transparencë me publikun.

    B. Masa për mirëfunksionim e tregut dhe në mbështetje të fondit për përballimin e krizës:4. Pezullim i përkohshëm i a) Koncesionit të Markimit, b) Koncesionit të Skanimit dhe c) Koncesionit të Kontrollit të Pompave (bazuar në klauzolën “force major” në kontratën përkatëse dhe në mbrojtje të interesave publike), si dhe hetim e mbikëqyrje në vijimësi e operatoreve ekonomike te importit dhe tregtimit me shumice që ndikojnë arbitrarisht në rritjen e çmimit të naftës, me qëllim pezullimin e përkohshëm apo anulimin e tyre në favor të interesit publik.5. Mbikëqyrje dhe raportim periodik tremujor ne Kuvendin e Shqipërisë nga Autoriteti i Konkurrencës së të gjithë përqendrimeve në treg dhe transparencë e plotë e zinxhirit të vlerës për të gjithë operatorët ekonomike sektoriale që vitin e mëparshëm kanë zotëruar/zotërojnë mbi 25% të vlerës në sektorin përkatës, nga institucionet përgjegjëse.6. Rishikim i buxhetit te shtetit për vitin 2022 për shkurtimin e shpenzimeve operative dhe të luksit të administratës shtetërore.7. Krijim me prioritet në kohë i një kompanie publike që të konkurrojë në tregun privat të naftës dhe burime parësore të energjisë me perspektivë investimin në prodhim.C. Masa mbështetëse dhe subvencionime:Përcaktimi dhe publikimi i përvitshëm i minimumit jetik si baze për mbështetjen financiare të shtresave në nevojë, personave me aftësi të kufizuar dhe atyre që trajtohen me ndihmë ekonomike. Rekomandohet barazimi i pensioneve të pjesshme me minimumin jetik.Zgjerim i skemës së kompensimit dhe mbështetjes së fermerëve.Përmbledhje në Pika:Heqje e taksës së qarkullimit dhe pezullim i alternuar i barrës fiskale mbi çmimin e karburantit.Pezullim i TVSH-së për produktet e shportës bazëPërcaktimi dhe ngrirja e përkohshme e marzhit të fitimit në sektorin e hidrokarbureve dhe transparencë me publikun.Zgjerim i skemës së kompensimit dhe mbështetjes së fermerëve.Paketë reale ndihme për pensionistët, invalidët dhe familjet me ndihmë ekonomike deri tejkalimin e krizës dhe përcaktim i minimumit jetik.Hetim e mbikëqyrje e koncesioneve dhe shpenzimeve që ndikojnë në buxhetin e shtetit, si dhe e operatorëve që mund të ndikojnë arbitrarisht në rritjen e çmimeve”.Protesta kundër rritjes së çmimeve, 700 punonjës policie të angazhuar, forca dhe nga rrethet, FNSH në gatishmëri, RENEA pranë KryeministrisëOra 11:10- 700 punonjës policie do të jenë të angazhuar për mbarëvajtjen e protestës kundër rritjes së çmimeve në Tiranë. Gazetarja Dorjana Bezat raportoi për “BalkanWeb” se Policia e Tiranës me 6 komisariate është e angazhuar dhe po ashtu FNSH-të janë në gatishmëri si dhe forcat e Gardës së Republikës. Në ndihmë kanë ardhur dhe punonjës policie nga qarqet e tjera. Vëmendje e shtuar për ruajtjen e institucioneve.Sipas ligjit për tubimet, në gatishmëri do jenë dhe forcat zjarrfikëse dhe shërbimi shëndetësor. RENEA do të jetë e pozicionuar afër Kryeministrisë me dy autobotë për shpërndarjen e turmës.

    Nis grumbullimi i protestuesveOra 10:58- Ka nisur në sheshin “Skënderbej”, grumbullimi i protestuesve. Qindra qytetarë janë mbledhur për të nisur marshimin drejt Kryeministrisë. Gazetari Erjon Skëndaj raportoi për “BalkanWeb” se në protestuesit mbajnë në duar flamuj kuqezi dhe pankarta kundër qeverisë dhe rritjes së çmimeve. Shumë grupe interesi nga shoqëria civile, përveç qytetarëve të paangazhuar në ndonjë grupim. Janë shoqata biznesesh, invalidët, të verbërit etj. që protestojnë para kryeministrisë.