Kryeministri izraelit, Benjamin Netanyahu, tha se nuk do të tërhiqet nga kërkesa e tij që SHBA-të të njohin të drejtën e Izraelit mbi Lartësirat e pushtuara të Golanit, transmeton Anadolu Agency (AA).
“Nuk do të heq dorë nga shpresa që SHBA ta njohë sovranitetin izraelit mbi Golanin”, tha Netanyahu në një deklaratë.
Komentet e tij vijnë një ditë pasi këshilltari i sigurisë kombëtare i SHBA-ve, John Bolton, tha për Reuters se administrata amerikane “nuk është duke e shqyrtuar mundësinë” për të njohur të drejtën e Izraelit mbi pllajën strategjike.
Izraeli pushtoi Lartësirat e Golanit në Siri gjatë Luftës Arabo-Izraelite të vitit 1967, kur pushtoi gjithashtu Bregun Perëndimor, Kudsin Lindor dhe Rripin e Gazës.
OKB vazhdon t’i cilësojë Lartësirat e Golanit si territor “i pushtuar”.
