Ambasadori turk në Serbi, Tanju Bilgiç, tha se Halkbank është një nga arsyet kryesore për të ruajtur marrëdhëniet e shkëlqyera ekonomike midis Serbisë dhe Turqisë.
“Hapja e Halkbank është një hap i rëndësishëm, sepse aty ku ka degë Halkbank, do të ketë edhe investitorë turq. Shpresohet se hapja e kësaj dege do të ndikojë në rritjen e numrit të investitorëve turq në Smederevo”, tha z. Bilgiç. Ai i kërkoi kryetares së Bashkisë së Smederevos, Jasna Avramoviç që të krijonte “kushtet më të mira” për investitorët turq.
Të pranishëm në ceremoninë e hapjes ishin edhe personazhe të njohur të sferave të ndryshme, si ish-lojtari i Gallatasarajit, Dzevad Prekazi, i cili preu shiritin së bashku me z. Bilgiçin, z. Bozkurtin dhe Kryebashkiaken e Smederevës. Halkbank nisi të operojë për herë të parë në Serbi në vitin 2015. /Monitor