Presidenti i Turqisë, Recep Tayyip Erdoğan, realizoi bisedë telefonike me Sekretarin e Përgjithshëm të NATO-s, Jens Stoltenberg, transmeton Anadolu Agency (AA).
Në bisedën telefonike Erdoğan-Stoltenberg janë diskutuar zhvillimet në Mesdheun Lindor, ndërsa presidenti turk ka thënë se gjithmonë dhe në çdo vend do të vazhdojnë t’i mbrojnë të drejtat dhe interesat e Turqisë, njoftoi Drejtoria e Komunikimeve e presidencës turke.
Erdoğan ka deklaruar se Turqia është në favor të një zgjidhjeje të drejtë në Mesdheun Lindor nga e cila do të fitonin të gjitha vendet dhe të një dialogu të shëndetshëm.
Presidenti i Turqisë po ashtu ka theksuar se NATO-ja duhet të përmbushë përgjegjësinë e saj ndaj hapave të njëanshëm që injorojnë ligjin ndërkombëtar dhe dëmtojnë paqen rajonale.
