Ministri i Jashtëm, Ministri i Mbrojtjes dhe këshilltari i Sigurisë Kombëtare të Pakistanit vizituan të hënën Linjën e Kontrollit (LoC), vetëm dy ditë përpara se Islamabadi të shënojë 5 gushtin si Ditën e Eksplorimit në solidaritet me njerëzit e Kashmirit, raporton Anadolu Agency (AA).
LoC, de fakto kufiri, ndan luginën kontestuese të Kashmirit midis Pakistanit dhe Indisë.
Ministri i Jashtëm i u shoqërua nga ministri i Mbrojtjes Pervez Khattak, ndihmësi special për Sigurinë Kombëtare Moeed Yusuf, dhe ekipe të mediave ndërkombëtare.
Duke folur para gazetarëve pas një brifingu të detajuar nga komandanti i sektorit të ushtrisë pakistaneze në postin Chirikot, Qureshi tha se njerëzit e Kashmirit kanë refuzuar veprimet e qeverisë indiane më 5 gusht vitin e kaluar.
“Banorët e Kashmirit kanë kundërshtuar veprimet e paligjshme të qeverisë indiane vitin e kaluar ndërsa për herë të parë në 50 vitet e fundit, Këshilli i Sigurimit i OKB-së zhvillon takime për çështjen e Kashmirit”, shtoi Qureshi.
Më 5 gusht të vitit të kaluar, qeveria indiane hoqi statusin autonom të shtetit të kontestuar me shumicë muslimane. Xhamu dhe Kashmir po ashtu u ndanë në dy territore të administruara federale.
Njëkohësisht, New Delhi mbylli rajonin, duke arrestuar mijëra njerëz që përfshinin dhjetëra politikanë të lartë, duke imponuar kufizime të lëvizjes dhe duke forcuar ndërprerje të komunikimit.
Qureshi vlerësoi rolin e Organizatës së Bashkëpunimit Islam (OIC) dhe tha se Grupi i Kontaktit i OIC mbi Xhamu Kashmir ka ngritur zërin e tij kundër veprimeve të paligjshme indiane dhe mbështeti qëndrimin e vendit të tij për këtë çështje.
Turqia, Pakistani, Azerbajxhani, Nigeri dhe Arabia Saudite janë vendet anëtare të grupit të kontaktit në Xhamu dhe Kashmir.
“India tani është e izoluar, Irani ka përjashtuar Indinë nga porti i tij i Chabahar, Nepali po ashtu pretendon territorin e saj dhe atë që ndodhi me Indinë në Ladakh, bota gjithashtu e pa atë”, tha Qureshi.
Qureshi i referohej përplasjes kufitare midis Kinës dhe Indisë në qershor, duke u vrarë të paktën 20 ushtarë indiane, përfshirë një oficer komandues në Ladakh të rajonit të diskutuar Xhamu dhe Kashmir, që është përplasja e parë vdekjeprurëse midis dy forcave kufitare që nga viti 1975.
– Shkelje të zjarrit
Më herët, zyrtarët ushtarakë informuan ministrat kryesorë të Kabinetit lidhur me situatën në LoC dhe tha se shkeljet e armëpushimit (CFV) janë ngritur në kufirin de fakto që nga viti 2016 pas vrasjes së Burhan Wani.
Vdekja e Wani-t, një komandant ikonë militant i cili u vra më 8 korrik të vitit 2016 në përleshjet me forcat indiane, shkaktoi një valë të re dhune në luginën e diskutueshme.
“Deri më tani, 115 civilë janë martirizuar dhe 614 të tjerë u plagosën gjatë shkeljeve të armëpushimit indian”, bëri të ditur komandanti i sektorit të ushtrisë së Pakistanit i cili foli në kushte anonimiteti.
Forcat indiane kanë realizuar 578 shkelje në vitin 2016, 2.329 në 2017, 3.348 në 2018, 3.526 në vitin 2019, ndërsa 1.875 deri tani këtë vit, shtoi komandanti.
Sipas të përditshmes lokale të “Economic Times”, New Delhi po ashtu akuzoi Pakistanin, duke thënë se kjo e fundit shkeli armëpushimin 2,027 herë që nga 10 qershori. Por komandanti i sektorit Chirikot hodhi poshtë pretendimet indiane dhe tha se ushtria pakistaneze kurrë nuk shënjestroi civilët në anën indiane të Kashmirit, por goditi pozitat nga ku forcat indiane qëlluan mbi civilë në anën pakistaneze.
– Ndërtimi i bunkerëve
Pakistani ka filluar projektin për ndërtimin e dhomave të sigurta brenda shtëpive të civilëve që jetojnë përgjatë LoC, për t’i mbrojtur ata nga zjarret e forcave indiane.
“Kemi filluar një plan aksional për të mbrojtur njerëzit e Azad Kashmir nga shkeljet e armëpushimit indian, duke ndërtuar bunkerë brenda shtëpive të tyre”, tha Qureshi.
Duke iu përgjigjur një pyetjeje, komandanti i sektorit hodhi poshtë pretendimin e New Delhi-t për infiltrim të militantëve nga Pakistani dhe tregoi fotot dhe videot e LoC ku forcat indiane gardhuan kufirin, duke përshkruar se sa e vështirë është për të kapërcyer pengesa të tilla.
“Ekzistojnë gardhe, mina, kamera vëzhgimi në të gjithë LoC, kështu që si mund dikush të kalojë vijën kufitare dhe të hyjë në anën indiane?”, pyeti ai.
New Delhi akuzoi rivalin e kahershëm Islamabadin për armatosje dhe trajnim të militantëve për të luftuar sundimin Indian.
Më vonë, Qureshi, Khattak dhe Yusuf po ashtu u takuan me viktimat që u plagosën në sulmet e forcave indiane dhe i siguruan ata për mbështetjen e plotë të vendit të tyre.
“Sot, jemi këtu për të shënuar Kurban-Bajramin dhe t’ju sigurojmë se nuk jeni vetëm, të gjithë jemi duke qëndruar prapa jush”, tha ministri i Jashtëm pakistanez.
– Rajon i diskutueshëm
Kashmiri mbahet në pjesë nga India dhe Pakistani, por pretendohet nga të dyja në tërësi. Një pjesë e vogël e rajonit kontrollohet gjithashtu nga Kina.
Që kur u ndanë në vitin 1947, të dy vendet kanë bërë tre luftëra, në vitin 1948, 1965 dhe 1971, dy prej tyre mbi territorin e diskutueshëm.
Disa grupe në Kashmirin e administruar nga India kanë luftuar kundër sundimit indian për pavarësi, ose bashkimin me Pakistanin fqinj.
