Nga Ministria e Shëndetësisë e Republikës së Serbisë sot bënë të ditur janë konfirmuar gjithsej 19 raste të infeksionit me koronavirus, transmeton Anadolu Agency (AA).
“Gjithsej 19 raste të konfirmuara COVID-19 janë regjistruar në Republikën e Serbisë deri në orën tetë të 12 marsit të vitit 2020. Gjithsej 160 persona që plotësuan kriteret e përcaktimit të rasteve u testuan në laboratorin kombëtar të referencave të Institutit Torlak. Deri në orën 8 të mëngjesit, më 12 mars, u testuan mostrat e nëntë personave, njëri prej të cilëve ishte pozitiv ndaj koronavirusit të ri”, tha Ministria e Shëndetësisë e Serbisë.
Organizata Botërore e Shëndetësisë (OBSH) për shkak të përhapjes së koronairusit dje shpalli pandemi globale. Nga COVID-19 në botë kanë vdekur më shumë se 4.600 persona, ndërsa janë konfirmuar 125.000 raste të infektimit me koronavirus në më shumë se 110 vende, theksuan nga OBSH.
Numri i të prekurve nga koronavirusi në Arabinë Saudite është rritur në 45, duke shkaktuar më shumë masa për të kufizuar shpërthimin, transmeton Anadolu Agency (AA).
Ministria saudite e Shëndetësisë tha se numri ishte konfirmuar pas 4.000 testimeve.
Sauditëve iu kërkua të mos shtrëngojnë duart dhe të shmangin mbajtjen e ngjarjeve me mbi 50 persona të tubuar.
Herët në mëngjes, vendi po ashtu pezulloi fluturimet për në të gjitha vendet e Bashkimit Evropian (BE) si dhe për në Zvicër, Indi, Pakistan, Sri Lanka, Filipine, Sudan, Etiopi, Sudan të Jugut, Eritrea, Kenia, Xhibuti dhe Somali.
Vendimi zgjeroi numrin e vendeve të ndaluara në 53.
Sipas Organizatës Botërore të Shëndetësisë (OBSH), e cila shpalli shpërthimin një pandemi globale, numri global i të vdekurve nga koronavirusi, i njohur zyrtarisht si Covid-19, ka kaluar shifrën 4.600 me mbi 125 mijë raste të konfirmuara.
Virusi për herë të parë u shfaq në Wuhan të Kinës dhjetorin e kaluar dhe është përhapur në të paktën 118 vende të botës.
