Pasditen e së enjtes kryeministri Edi Rama e ka kaluar në Trikala të Greqisë.
Prania e kryeministrit shqiptar në qytetin grek ka rënë në sytë e gazetarëve vendas. Është media lokale ‘trikalavoice.gr’ që raporton për vizitën e Ramës.
Sipas kësaj media, Rama ka qëndruar në hotelin ‘Panellinion’, në qendër të qytetit, ku është parë të pijë kafe. Ai ka qenë i shoqëruar nga disa roje, raporton Top Channel.
‘Trikala Voice’ thekson se Rama ka qenë edhe më parë në këtë qytet kur mbante postin e kryebashkiakut.
