Autoritetet e Shteteve të Bashkuara të Amerikës (SHBA) kanë miratuar shitjen e pajisjeve ushtarake Tajvanit me vlerë 330 milionë dollarë, e cila mund të shkaktojë një reagim ashpër të Kinës, raporton Anadolu Agency (AA).
Zyrtarët e Pentagonit konfirmuan se bëhet fjalë për shitjen e pjesëve rezervë për avionët luftarak F-16.
Njoftimi thotë se kontingjenti i ri i pajisjeve ushtarake do të forcojë aftësitë mbrojtëse të Tajvanit dhe nuk do të rrezikojë balancën e forcave ushtarake në Azi.
Në fillim të gushtit, Senati i SHBA-së miratoi një dokument që parashikon intensifikimin e bashkëpunimit SHBA-Tajvan në sektorët ushtarakë dhe civilë, si shpeshtimin e stërvitjeve të përbashkëta ushtarake në rajon.
Shtetet e Bashkuara të Amerikës e njohin zyrtarisht Republikën Popullore të Kinës si bartësin e vetëm të sovranitetit në territorin e saj, duke përfshirë dhe Tajvanin, por gjithashtu mban marrëdhënie joformale me autoritetet e Tajvanit. Autoritetet e Tajvanit nga SHBA blejnë armë dhe pajisje ushtarake çdo vit.
