Tirana ka dalë blof për herë të tretë me festën e titullit kampion. Pas dy humbjeve, këtë herë bardheblutë nuk ia dalin që të fitojnë me Teutën në kryeqytet. Ndeshja ka përfunduar me shifrat 1-1, teksa Limaj shënoi i pari dhe u mendua se sot do të mbyllej matematikisht historia e vendit të parë. Por Plaku barazoi në minutën e 74 me kokë pas krosimit të saktë të Emiljano Vilës.
Vërtet për t’u përgëzuar Teuta e Arapit që krijoi raste të shumta në sulm, por në disa herë Bekaj dhe në të tjera konkretizimi i pasaktë, bëri që ekipi të dalë me vetëm një pikë nga kjo transfertë që mund të merrej më shumë. Emiljano Vila shpërdoroi edhe një rast të artë nga vetëm pesë metra larg portës. Ndërkohë Laçi po arrin në rrugën e fitores dhe këtë herë mundën Egnatian me shifrat 0-2 falë dopietës së Guindo.
Për t’u përmendur është vepra e Skënderbeut. Të gjithë e llogarisin të rënë në Kategorinë e Parë dhe të dalë jashtë loje, por korçarët jo vetëm që nuk kanë ndërmend të braktisin para kohe kampionatin, por po tregohen kockë e fortë. Skuadra e Gegës ka mundur ekipin më në formë të Superiores, Kastriotin, që kishte 7 fitore radhazi. Korçarët fituan me shifrat 2-0 falë golave të Mensah dhe Pusi. /Sport Ekspres/
Tirana-Teuta 1-1 Limaj 42’/ 74′ Plaku
Tirana: Bekaj, Toshevski, Hoxhallari, Najdovski, Përgjoni; Limaj, Totre, Toli; Gjumsi, Seferi, Ismajlgeci
Teuta: Qirko; Idrizaj, Jazxhi, Ivanovic, Kotobelli; Aleksi, Daja; Peposhi, E.Vila, Daci, Hebaj
Skënderbeu-Kastrioti 2-0 Mensah 20′, 82′ Pusi
Skënderbeu: Rexhepi; Frashëri, Sadriu, Shehi, Zguro; Jean Victor, Pecani, Mara, Agnaldo; Berisha, Mensah
Kastrioti: Sali; Hussein, Dida, Selmani, Rami; Karakaçi, Okebugwu; Hasani, Greca, Zogaj; Kaina
Egnatia-Laçi 0-2 Guindo 57′, 88′
57′ Gooool! Pas një pasimi nga Velija në krahun e djathtë, Guindo tregohet i saktë me devijimin e topit duke e dërguar në rrjetë.
Egnatia: Puja, Allmuça/Krivanjeva, Krasniqi, Ymeralilaj, Duranski, Michael, Delarge, Imeri, Jackson, Pedro
Laçi: Dajsinani, Velija, Malota, Velkoski, Ziko, Ujka, Deliu, Shehu, Mazrekaj, Adeleke, Guindo
ABISSNET SUPERIOREVIDEO/ Dopietë e Guindo, Laçi “blindon” Europën dhe shtyn festën e Tiranës
ngaEjgi ÇabeliPostuar ne 04/05/2022
KOMENTE
Dygolëshi i Saliu Guindo i ka dhënë tre pikët Laçit në transfertën ndaj Egnatias dhe ka bërë që kurbinasit të “blindojnë” pozitat në vendin e dytë, por në të njëjtën kohë, të shtyjnë festën e titullit për Tiranën, që nuk shkoi përtej barazimit 1-1 ndaj Teutës.
Në “Arena Egnatia” u zhvillua një sfidë shumë e luftuar, që u zhbllokua vetëm në pjesën e dytë me një devijim të lehtë, por perfekt të Guindo, që në minutën e 88’ shënoi edhe golin e dytë, duke vulosur suksesin për skuadrën e drejtuar nga Shpëtim Duro.
Humbja e dytë radhazi ndërkohë për Egnatian, që largohet me vendin e 7 të mbijetesës dhe sheh t’i afrohet Skënderbeu, ndonëse distanca është mjaft e madhe, kur kanë mbetur edhe 4 javë deri në fund.
Egnatia-Laçi 0-2 (Guindo 57′, 88′)
