3 në 10 fëmijë paraqiten me probleme me sytë.
Vizitat e fëmijëve që pritet të futen në klasë të parë tek mjeku okulist kanë treguar se ka një rritje të problemeve me shikimin tek te miturit, shkruan gazeta Ekspress.
“Grupmoshat parashkollore kanë probleme me shtrembërimin e këndit të syrit që ka të bëjë me muskujt, hipermetropi dhe miopi.
Nuk mungojnë edhe rastet që kanë xhama me aks të përthyer të rrezeve të dritës”.
Sipas okulistëve, shkak kryesor mbetet rritja e përdorimit të aparateve teknologjike.
Për të evituar problemet me shikimin, përveç rasteve të trashëguara, mjekja okuliste, Suzana Zhuka rekomandon kufizimin të përdorimit të telefonave dhe tabletave, si dhe shmangien e qëndrimit për orë të tëra përpara televizorit.
