Një 22-vjeçar është i ndaluari i radhës si autor i dyshuar i disa vjedhjeve në Lezhë, teksa javët e fundit janë shtuar denoncimet e qytetarëve për grabitje.
Shtetasi me iniciale E.H. ishte në kërkim, pasi dyshohet se në bashkëpunim me një shtetas tjetër tentuan të vjedhin shtëpinë e shtetasit me iniciale Z.Th. në datën 9 nëntor, në Zejman të Lezhës.
Sipas policisë, 22-vjeçari është lënduar gjatë aksionit për vjedhjen e banesës. Ai është paraqitur në Spitalin Rajonal të Lezhës për mjekim, por pasi mësoi se policia po e ndiqte është larguar drejt një spitali privat në Tiranë, ku dhe u kap nga efektivët.
Materialet hetimore do t’i referohen Prokurorisë së Rrethit Gjyqësor Lezhë, për veprën penale “Vjedhja, mbetur në tentativë”, e kryer në bashkëpunim.
