Kryeministri Edi Rama ka reaguar sërish për caktimin e datës për hapjen e negociatave të Shqipërisë më BE, në qershor 2019.
Në një postim në rrjetet sociale, kreu i qeverisë u lutet edhe ndjekësve të tij që të mos i harrojnë këto shfaqje të pafundme brutaliteti të atyre që i quan “esadistët e rinj të Shqipërisë”.
“Mbrëmë, në të njëjtat orë që Këshilli Europian postonte këtë kartolinë përgëzimi për të gjithë shqiptarët, pas dakordësisë aspak të lehtë për datën e çeljes së negociatave me Shqipërinë, esadistët e rinj të Shqipërisë hidhnin gurët e akuzave të tyre vulgare kundër qeverisë si fajtore për një dështim imagjinar në Europë! Me lutjen që të mos u’a harroni këto shfaqje të pafundme brutaliteti kundër qëllimit tonë të përbashkët dhe vetë Shqipërisë, ju uroj një ditë të bukur.”, shkruan Rama.
