Pasi persona të paidentifikuar e shkatërruan, memoriali turk është marrë nën ruajtje nga Policia e Shtetit.
Dy policë ruajnë memorialin e rrethuar dhe mbuluar me rrjet jeshile që pengon shikimin e tij, transmeton Ekspress.
Memoriali i kushtohet viktimave të tentativës për grusht shteti në Turqi, më 15 korrik të 2016-ës, kundër presidentit Rexhep Taip Erdogan.
Grushti i shtetit dështoi, ndërsa presidenti Erdogan bëri përgjegjës ish-mikun e tij, klerikun Fethulla Gylen, si autor të sulmit.
