“Krimi i vetëm që kam kryer është mbrojtja pa frikë e kombit tonë nga ata që kërkojnë ta shkatërrojnë atë. Ky rast i rremë u soll vetëm për të ndërhyrë në zgjedhjet e ardhshme të vitit 2024 dhe duhet të hiqet menjëherë”, tha Trump.
Në fjalët e tij të para pasi u ul në sallën e gjyqit në Manhattan, ish-presidenti i SHBA-së, Donald Trump, tha se i vetmi krim që ka kryer ndonjëherë është mbrojtja “pa frikë” e SHBA-së dhe ka theksuar se kundër tij u ngrit një “rast i rremë” me qëllim për të ndërhyrë në zgjedhjet e ardhshme të vitit 2024, transmeton Anadolu.
Mbështetësve të tij në Mar-a-Lago, Florida, Trump u tha se kurrë nuk ka menduar se “diçka e tillë mund të ndodhë në Amerikë”.
“Krimi i vetëm që kam kryer është mbrojtja pa frikë e kombit tonë nga ata që kërkojnë ta shkatërrojnë atë. Ky rast i rremë u soll vetëm për të ndërhyrë në zgjedhjet e ardhshme të vitit 2024 dhe duhet të hiqet menjëherë”, tha Trump.
Trump tha se “sistemi ynë i drejtësisë është bërë i paligjshëm”, duke shtuar se “ata tani po e përdorin atë, përveç gjithçkaje tjetër, për të fituar zgjedhjet”.
“Ata u shfaqën me një të ri… ata po kërkojnë Aktin e Spiunazhit të vitit 1917, ku dënimi është me vdekje”, shtoi ai.
Më vonë, Trump akuzoi prokurorin e qarkut Manhattan, Alvin Bragg, duke e quajtur një “kriminel”.
“Krimineli është prokurori i qarkut, sepse ai zbuloi në mënyrë të paligjshme sasi masive të informacionit të jurisë së madhe për të cilat ai duhet të ndiqet penalisht ose të paktën ai duhet të japë dorëheqjen”, tha Trump.
Dje, Trump u deklarua i pafajshëm për 34 akuza për falsifikim të të dhënave të biznesit në sallën e gjyqit në Manhattan dhe u largua nga gjykata pasi dëgjoi akuzat duke u kthyer në Florida.
Gjykatësi që mbikëqyr çështjen penale të ish-presidentit Trump ka caktuar seancën e radhës për më 4 dhjetor.
