Pak javë pas inaugurimit, stadiumi i ri do të hapë sërish dyert në një ndeshje ndërkombëtare.
Por do të jetë një miqësore, që do të luhet me qëllim, që të mbledhë të ardhura për të prekurit nga tërmet shkatërrues i 26 nëntorit.
Tërmeti tragjik që goditi vendin tonë përveç solidaritetit mbarëshqiptar, “pajton” deri diku edhe grekët me turqit, që siç dihet kanë një histori konfliktuale mes tyre.
Ndeshja Turqi-Greqi do të realizohet në stadiumin e ri shqiptar më datën 10 janar të vitit 2020.
Në këtë miqësore do të ketë lojtarë që kanë luajtur me kombëtaren shqiptare, ndërkohë që këtë organizim do e mbështesin edhe yje të Italisë, kampione bote e vitit 2006.
Gjithashtu do të ketë veteranë të Turqisë, që në vitin 2002 zuri vendin e tretë në kampionatin botëror 2002, në Japoni dhe Korenë e Jugut.
Të gjitha të ardhurat e biletave do të shkojnë në ndihmë të të prekurve nga tërmeti./NOA.al
