Ukraina dhe Rusia kanë përfunduar bisedimet për paqe dhe tani do të rikthehen në kryeqytetet respektive për konsultime te tjera para raundit të dytë të negociatave, ka raportuar agjencia e lajmeve Reuters.
Disa media te tjera kanë cituar zyrtarë rusë të kenë thënë se takimet e reja do të zhvillohen në ditët në vijim. Ukraina ka thënë se dëshiron armëpushim dhe tërheqje të ushtrisë ruse, ndërsa Kremlini ka thënë se nuk do ta bëjë publik qëndrimin e tij.
Negociatorët rusë kanë përmendur arritjen e një marrëveshjeje që është në interesin e të dyja palëve. Mykhailo Podoliyak, këshilltar i presidentit ukrainas, Volodymyr Zelenskyi ka thënë pas takimet se negociatat janë të vështira, por pa ndonjë ultimatum detyrues.
“Fatkeqësisht, pala ruse është ende tejet e njëanshme sa i përket procesit shkatërrues që ka nisur”, ka bërë të ditur këshilltari i presidentit Zelenski përmes rrjetit social Twitter.
