9.5 C
Tiranë
E mërkurë, 26 Janar, 2022

“Ndërhyrja ka vonuar”, Policia e Shtetit i përgjigjet sekretarit të PD: Reagimi gjatë protestës më 8 janar konform ligjit dhe rregullave

Policia e Shtetit ka reaguar pas deklaratave të sekretarit të përgjithshëm të PD-së Gazment Bardhi, i cili tha se policia ka reaguar me vonesë më 8 janar. Policia thotë se reagimi për ndërhyrjen gjatë protestës është bërë konform ligjit dhe rregullave që përcaktojnë qartësisht detyrat e Policisë së Shtetit dhe rastet se kur ndërhyhet në ambientet e një selie të një partie politike.

Policia e Shtetit hedh poshtë çdo akuzë, aludim apo insinuatë për implikime të zyrtarëve të Policisë në skenarë akte dhune gjatë protestës dhe menaxhimit të gjithë situatës.

Gazment Bardhi deklaroi në emisionin “Opinion” se “policia ishte e vonuar dhe ndërhyrja ishte brutale dhe ka rrezikuar jetën jo vetëm që ata ishin jashtë, por dhe ata që ishin brenda godinës. Ne që ishim brenda nuk dinim ku të shkonim, pasi kishte shumë gaz”.

“Policia e Shtetit referuar deklaratave të bëra nga Sekretari i Përgjithshëm i Partisë Demokratike Gazment Bardhi gjatë emisionit në Opinion në TV KLAN, sqaron dhe informon opinionin publik dhe të gjithë ata që janë të interesuar se:
Reagimi për ndërhyrjen gjatë protestës së ndodhur në datën 8 janar, është bërë konform ligjit dhe rregullave që përcaktojnë qartësisht detyrat e Policisë së Shtetit dhe rastet se kur ndërhyhet në ambientet e një selie të një partie politike.
Hedhim poshtë çdo akuzë, aludim apo insinuatë të shprehur gjatë këtij emisioni, dhe jo vetëm për implikime të zyrtarëve të Policisë në skenarë akte dhune gjatë protestës dhe menaxhimit të gjithë situatës.
Sqarojmë opinionin publik se Policia e Shtetit nuk ka ndërhyrë me vonesë, por ka kryer detyrat e saj bazuar në aktet ligjore e nënligjore dhe ka menaxhuar me profesionalizëm e paanshmëri protestën e datës 8 janar 2022.
Keqardhje për zëra të pavërtetë dhe dashakeqës ndaj punës së Policisë, e cila edhe për masat e marra në protestën e datës 8 janar ka marrë vlerësimet maksimale nga OSBE dhe organizma e partnerë të tjerë ndërkombëtarë”, deklaron Policia e Shtetit.

Për tu Lexuar

Të Fundit

Lajme të Ngjashme