Në orët e pasdites së sotme në rrugën “Demokracia” në kryqëzim me Bulevardin “Blu”, Kamëz raportohet se ka ndodhur një aksident me pasojë vdekjen e një personi. Makina ka përplasur këmbësoren P.A, rreth 35-vjeçe, e cila si pasojë e përplasjes ka ndërruar jetë.
Policia njofton se drejtuesja e automjetit B.D, është shoqëruar në komisariat për veprime të mëtejshme hetimore.
Policia rrugore ndodhet në vendngjarje ku po vijon punën për sqarimin e rrethanave të ngjarjes dhe shkakut të aksidentit.
Njoftimi i Policisë:
Tiranë/Informacion Paraprak
Rreth orës 17:35 në rrugën “Demokracia” në kryqëzim me Bulevardin “Blu” automjeti me drejtuese shtetasen B.D, ka përplasur këmbësoren P. A.,35 vjeçe.
Si pasojë e përplasjes, këmbësorja P. A ka ndërruar jetë.
Shtetasja B. D është shoqëruar në komisariat për veprime të mëtejshme hetimore.
Policia rrugore ndodhet në vendngjarje ku po vijon punën për sqarimin e rrethanave të ngjarjes dhe shkakut të aksidentit. /ABC News
