1220 hektarë tokë e përmbytur në Shkodër, uji në Obot arrin 65 centimetër

1220 hektarë tokë ndodhet aktualisht nën ujë në bashkinë e Shkodrës. Janë 100 hektarë më shumë se një ditë më parë që janë përmbytur. Problem mbetet në Obot, në rrugën e të cilit, uji arrin në 65 centimetër. Aty mund të kalohet vetëm me mjete të ushtrisë. Në terren janë katër forca të ushtrisë dhe…

1220 hektarë tokë ndodhet aktualisht nën ujë në bashkinë e Shkodrës.

Janë 100 hektarë më shumë se një ditë më parë që janë përmbytur.

Problem mbetet në Obot, në rrugën e të cilit, uji arrin në 65 centimetër. Aty mund të kalohet vetëm me mjete të ushtrisë. Në terren janë katër forca të ushtrisë dhe një mjet i kalueshmërisë së lartë. Ujësjellësi Oblika 1 është jashtë funksionit. Në njësinë Ana e Malit është 1200 hektarë tokë e përmbytur, ndërsa në Dajç 20 hektarë tokë bujqësore është nën ujë.

Në vendin e quajtur Urrelat e Shirqit në rrugën Shirq-Darragjat ka prezence uji në rrugë 30 cm dhe për momentin rruga është e pakalueshme me mjetet e vogla.

Sipas të dhënave, niveli i lumit Drin shënon kuotën 6.10 e pandryshuar me orën 18.00 të një dite më parë, ndërkohë që kuota maksimale është 7.50 m.

Niveli i Liqenit shënon 8.45 m nga 8.70 që është kuota maksimale, me një rritje prej 20 cm me një ditë më parë.