9.5 C
Tiranë
E mërkurë, 26 Janar, 2022

Shqipëria nis mandatin në OKB/ Për dy vjet do jetë anëtare e këshillit të sigurimit, do lobohet për Kosovën

Nga sot për herë të parë në histori Shqipëria bëhet anëtare jo e përhershme në këshillin e Sigurimit të OKB.

Vendi ynë mori mbi dy të tretat e votave në 11 qershor për një mandat dy vjeçar, pas 65 vitesh anëtarësim.

Këshilli i sigurimit ka 15 anëtarë, ku SHBA, Mbretëria e Bashkuar, Franca, Rusia dhe Kina janë 5 anëtare të përhershme ndërsa 10 vendet e tjera anëtare një prej të cilave tani është dhe Shqipëria kanë mandat dy vjeçar.

Ministrja e jashtme olta Xhaçka tha se prioritet kryesor i mandatit do të jetë lobimi për Kosovën:

“Kjo është një arritje për të cilën duhet të ndihet krenar çdo shqiptar kudo në botë. Duke filluar nga vëllezërit e motrat tona në Kosovë sepse padyshim që Shqipëria do ta përdorë këtë mundësi për të avancuar çështjen e Kosovës, procesin e njohjeve dhe anëtarësimeve në organizata ndërkombëtare sepse Kosova ka qenë, është e do të jetë një kauzë e shenjtë për Shqipërinë. Do të punojmë për shqiptarët, por do të punojmë edhe për rajonin tonë për të konsoliduar arritjet e dekadave të fundit e për mos ta lënë atë të rrëshqasë drejt destabilizimit e tensioneve”.

Një mesazh urimi për këtë arritje ka ardhur edhe nga SHBA-të, të cilat shprehen se mezi presin për të bashkëpunuar me Shqipërinë në lidhje me sfidat më të ngutshme me të cilat bota po përballet.

Për tu Lexuar

Të Fundit

Lajme të Ngjashme